E aña aki no tabata un excepcion ora di papia di bestia cu ta perde debi na explosion di klapchi. Riba rednan social por a mira cantidad di post di hendenan cu tabata busca nan mascota of otronan cu a haya un di nan perdi.
Mayoria di biaha den temporada aki cu ta haci uso di klapchi ta importante pa tene na cuenta e cantidad di bestianan cu ta spanta of ta bira malo na e zonido fuerte di e explosivonan aki, cu pa algun hende ta algo leuk pero pa otronan, manera bestianan mes no ta nada otro cu un sufrimento.
Riba rednan social por mira e postnan di algun di nan perdi, cu no tabatin chip of hasta no tabatin banchi, loke ta haci e buskeda un tiki mas fastioso.
Savaneta, Paradera, Washington, Alto Vista, Pos Abao, San Barbola, tabata e barionan cu a reporta mascotanan perdi na unda nan ta post riba rednan social pa asina ey esnan cu por a tin e oportunidad di mira nan algun caminda por reporte na nan number di telefon.
For di esnan mas grandi te hasta esun di mas chikito, incluyendo un gay tambe a perde, na unda miedo y desesperacion pa e zonidonan fuerte no ta distingui nan cu den nan mayoria a logra haya nan famia back.
Un recomendacion ta bay na esnan cu ta doño di mascotanan manera cacho y pushi pa logra chipnan nan y asina nan por ta mas sigur di wordo haya back den caso cu nan lo bolbe perde.
