Ayera den oranan di atardi diferente ciudadanonan, incluyendo turistanan, a cuminsa reporta un candela grandi na dump di Parkietenbos, e turistanan a saca potretnan y a publica esaki riba rednan social, specialmente riba Facebook All Things Aruba unda cu algun turista a puntra si hendenan tabatin un idea di na unda e huma ey tabata bin.
Segun informacion cu Bon Dia Aruba ta dispone di dje, tairanan tabata den candela atrobe unda cu for di diaranson caba turistanan tabata sinti e holo di huma ora cu nan tabata saliendo for di aeropuerto.
Tambe, turistanan mes a critica cu ademas ta basha awa sushi di pos directamente na lama “I think I read that they also just release the sewage right into the ocean..it is treated . But the treatment is way different from what the states do ….”
Esaki ta un di algun comentarionan critico di e turistanan cu tambe ta mirando e problema di dump, eynan por mira cu e problema aki di desperdicio di Aruba por cuminsa afecta e turistanan, unico pilar economico di Aruba unda cu pa via di pandemia di Covid-19 Aruba a ser afecta grandemente.
E problema di dump tin añanan caba afectando e ciudadanonan rond di e area aki, unda cu segun minister di Medio Ambiente Ursell Arends a expresa cu 1 di januari di 2023 e dump aki lo wordo cera permanentemente.
Potret ta pertenece na e turista Marcella Shifflett.
