(AP)—Tres drone Ucraniano a ataca Moscu den oranan trempan diadomingo mainta, segun autoridadnan Ruso a bisa, cual a herida un persona y a causa e ciere di trafico den un di e cuatro aeropuerto den cercania di e capital Ruso.
Esaki tabata e di cuatro intento asina pa ataca e region capital e luna aki y e di tres intento e siman aki so, cual a causa preocupacionnan tocante e vulnerabilidad di Moscu pa atakenan mientras e guera di Rusia den Ucrania ta yegando su di 18 luna.
E Ministerio di Defensa Ruso a referi na e incidente como “un intento pa atake terorista pa e regimen Kyiv,” y a bisa cu tres drone a ataca e ciudad. Un a ser deriba den e region di Moscu por medio di sistemanan di defensa aereo y dos otro drone a daña. Eseynan a cay den e districto di empresa den e ciudad.
Potretnan di e sitio di incidente a mustra e bentanan di e skyscraper kibra. Alcade di Moscu Sergei Sobyanin a bisa cu e atake e atake a kibra e pida pafo di e dos edificio den e districto. Un guardia a sali herida, segun e agencia di noticia di Estado Ruso, Tass, a reporta, citando autoridadnan di emergencia.
Ningun vuelo a sali of drenta aeropuerto Vnukovo pa aproximadamente un ora, segun Tass, y e espacio aereo riba Moscu y e regionnan den bisindario tabata temporariamente cera pa tur avion.
Autoridadnan di Moscu tambe a cera un caya den cercania di e sitio di incidente den e area di e ciudad. Sin reconocemento directo cu Ucrania tabata responsabel pa e atake aki, un vocero pa e forsa aereo Ucraniano a bisa cu e pueblo Ruso tabata mirando e consecuencianan di e guera di Rusia na Ucrania.
Tambe el a referi na un atake di drone riba Crimea anochi, cual awo ta ocupa pa Rusia. Moscu a anuncia diadomingo cu el a deriba 16 drone Ucraniano y a neutralisa ocho mas cu un sistema. Den e casonan aki no tabatin ningun victima, segun oficialnan.
Na Ucrania, e forsa aereo a reporta cu el a destrui cuatro drone Ruso riba e regionan di Kherson y Dnipropetrovsk. Informacion riba e atakenan no por a ser verifica.
Mientras tanto, dos hende a muri y 20 hende a sali herida pa e atake di misil Ruso durante oranan di anochi diadomingo riba e ciudad di Sumy. Un edificio educacional di cuatro piso a ser ataca, segun e Ministerio Interior di Ucrania a bisa. Autoridadnan local a bisa cu e dormitorionan y e edificio di lectura a haya daño.
E Ministerio di Defensa Ruso a reporta cu nan a deriba un drone Ucraniano pafo di Moscu diabierna. Cuatro dia prome, dos atake di drone a afecta e capital Ruso, un di nan cayendo den e centro di e ciudad den cercania di e oficina di Ministerio di Defensa. E otro drone a dal un edificio den parti sur di e ciudad, cual a haci daño na varios piso di e edificio.
Den un otro atake riba 4 di juli, e ehercito Ruso a bisa cu cuatro drone a ser deriba pa defensanan aereo y e di cinco a ser stroba pa sistemanan electronico y a ser deriba.
