(AP) – Un aña despues cu Will Smith a dal Chris Rock riba escenario di Academy Awards, Chris Rock a duna su comentario tocante e incidente durante un special cu lo ser televisa live riba Netflix, den cual e comediante a comenta cu “el a tuma e golpi manera Pacquiao.”
E comediante di 58 aña di edad a presenta su prome show na Saturday Night Live desde aña pasa su celebracion di premionan Oscar. “Chris rock: Selective Outrage,” a ser mira live desde Hippodrome Theatre na Baltimore, a marca Netflix su prome pasonan dentro di ‘live streaming’. Sinembargo tambe esaki ta un contesta na e incidente famoso cu a tuma luga aña pasa.
Rock, ken a duna e presentacion bisti na blanco cu un medallion di Prince rond di su neck, inmediatamente a comenta tocante aña pasa su Oscars bisando cu tin sensitividad sumamente halto y loke el a yama “rabia selectivo”. “Nunca bo no sa ken lo keda disgusta,” Rock a bisa. “Cualkier persona cu bisa cu palabranan ta causa dolor, nunca a ricibi un golpi den cara.”
Sinembargo, despues Rock a cuminsa comenta un serie di topiconan unda el a examina problemanan contemporaneo, incluyendo señalnan virtual, bistimento di yoga cu prijs demasiado halto, e dukesa di Sussex, e famia Kardashian, derechonan di aborto y loke el a yama Merca su adiccion mas grandi; Atencion.
“Antes nos tabata kei amor, awo nos kier e likes riba rednan social,” Rock a declara.
Rock, ken tambe a conta con e lo responde si diripiente su tata transiciona pa bira un muhe, a laga cla cu “Selective Outrage” no lo ta solamente tocante e incidente cu Will Smith. Su material a menciona e Oscars di 2022 ocasionalmente, di mesun manera ora cu el a menciona un chiste tocante con Snoop Dogg a bira un persona asina importante pa promocionnan.
Despues di un show di un ora, Rock a cera e special cu algun comentario tocante e incidente famoso. “Boso tur sa loke a pasa mi persona, mi a haya golpi di ‘Suge Smith’. Tur hende sa esaki. Te ainda e ta haci dolor tin biaha,” Chris a agrega di manera chistoso.
Smith a disculpa varios biaha pa cu e incidente desde maart aña pasa mientras Rock a evita tur e plataformanan unda celebridadnan usualmente ta bay pa papia tocante nan sentimentonan. Nunca el a sinta cu Oprah Winfrey y tampoco a acepta e varios media cu tabata kier entrevista. “Mi no ta un victima,” Rock a comenta. “Bo nunca lo mira mi persona riba Oprah of Gayle yorando. Nunca e lo pasa.”
