“Mocoa tin un problema grave, por bin un catastrofe cualkier dia , cualkier nochi”, congresista representante di Putumayo a splica un aña pasa.
Un aña, 7 luna y 26 dia despues cu e congresista a papia riba un posibel catastrofe, su palabra a bira realidad, lagando Mocoa cu sentimento di tristeza y desolacion.
Desde e dia cu e congresista a pronostica e situacion ey, 5 di augustus di aña 2016, e congresista a pidi un reunion pa asina papia tocante e topico di desaster na Putumayo. “E situacion cu ta bin pa Colombia, cu temperatura halto den verano y temperatura halto y hopi yobida den invierno, ta un catastrofe, ta grave”, Guerra a declara.
“Di 13 municipio cu ta conforma e departamento di Putumayo, tur 13 ta den riesgo di desaster”, el a agrega.
Campesinonan cu a ser consulta un dia despues di e catastrofe a bisa mesun cos, cu tur autoridad tin conocemento di e riesgonan cu ta presenta na e zona ey, pa motibo di inundacion y avalancha.
