Awe mas laat of mañan ya nos por sinti efecto
Segun e ultimo update (8or awe nochi) di e National Hurrican Center tin un chens grandi, esta 80%, cu e ola tropical cerca di nos por bira un horcan.
Ayera Bon Dia Aruba ya a publica cu e chens ta grandi (50%) y cu nan a duna e tormenta un nomber caba den caso lo bira un horcan, esta Matthew. Dialuna nos departamento meteorologico finalmente a duna un update tambe (e ultimo tabata di awe 5 pm), unda nan tambe ta papia di un chens grandi cu e ola tropical lo bira un horcan den e proximo 48 ora. Nos por cuminsa sinti e efectonan caba awe mas laat of diaranson. Nos mester tene cuenta cu yobida y biente fuerte. E ola ta move west, noord west cu un speed di 20 mph. Mirando e proximo 5 dia e chens pa e sistema lo bira un horcan, ta subi hasta na 90%.
Awe Cruz Cora di Aruba a parti foyeto rond di Aruba cu tip nan kico bo por haci pa proteha bo mes y cas den caso di horcan. Bon Dia Aruba tambe a haya nan y si bo ta interesa, bo por pasa cerca nos oficina na Westraat 22 pa busca e foyeto.
