Ultimo shelf di ijs intacto na Canada ta collapse

Hopi di e ultimo ice shelf intacto na Canada a kibra y separa den islanan ijsberg, danki na un berano cayente y kentamento global, segun cientificonan.

E Milne Ice Shelf di Canada, 4mil aña bieu, den borde nort occidental di Ellesmere Island tabata e ultimo shelf di ijs intacto di e pais te cu na fin di juli analista di ijs, Adrienne White di e Canadian Ice Service a nota cu potret di satelite a mustra cu alrededor di 43% di dje a kibra. El a bisa cu esey a tuma luga rond di dia 30 of 31 di juli.

Dos iceberg gigante a forma cu cantidad di otronan chikito, y ya nan a cuminsa drift, segun White. Esun mas grandi ta casi tamaño di Manhattan – 55 km² y 11.5km di largo. Nan ta alrededor di 70 pa 80m diki.

“Esaki ta un bloki enorme di ijs”, White a bisa. “Si un di esaki ta bayendo direccion di un oil rig, no tin nada cu por haci excepto move bo oil rig.”

E shelf di 187 kilomemter cuadra ondulando di ijs blanco cu awa blauw, tabata mas grandi cu Districto di Columbia pero awo a reduci na 106km².

Temperatura for di mei te cuminsamento di augustus den e region ta 5 grado Celsius mas cayente cu e averahe 1980 – 2010, segun profesor di glaciologia di Universidad di Ottawa, Luke Copland a bisa. Esaki riba un Artico cu ya tabata kentando hopi mas lihe cu resto di mundo, cu e region aki kentando mas lihe ainda.

“Sin duda, ta cambio climatico, Copland a bisa, notando cu ice shelf ta smelt tanto di aire mas cayente como di awa mas cayente abou. “E Milne tabata hopi special”, el a bisa. “Tabata un sitio asombrosamente bunita.”

Shelfnan di ijs ta centenares te miles di aña bieu, mas diki cu ijs riba lama, pero no mesun grandi of bieu cu glaciar Copland a bisa. Canada tabatin shelf di ijs continuo a traves di e costa nort di Ellesmere Island den teritorio canades di Nunavut, pero e ta kibrando durante ultimo decadanan pa motibo di kentamento global, segun White. Pa 2005, tabatin seis shelf di ijs ainda pero ‘e Milne tabata realmente e ultimo shelf di ijs completo”, el a bisa.

“No tin hopi shelf di ijs rond di Artico mas”, Copland a bisa. “Ta parce cu nos a perde casi tur di nan for di nort Greenland te Artico Ruso. Por tin algun den algun fjord protegi.”