Ayera e delaster grupo di studiante cu mester bay Hulanda a keda pega na Aruba. Ta asina cu e grupo aki cu tabata alrededor di 30 studiante no por a bay Corsou pa aborda e avion di KLM, ya cu vuelo di Insel Air cu mester hiba nan na e isla bisiña a confronta problema.
Ainda nos no a haya sa ki sorto di problema specificamente; pero ta conoci publicamente cu e compania aereo aki ta confrontando retonan y dificultad financiero cu ta afecta nan operacion aereo.
E grupo di ayera cu a keda pega akinan ta e di cuater cu tabata cla pa bay Hulanda. Nan vuelo a keda posponi pa awe.
Dialuna a sali tres grupo y tur cos ta indica cu nan a yega bon na Hulanda.
