Rector di Colegio Arubano, Tim Croes, diamars ultimo tabata hopi contento di mira con e mayoria di alumnonan di VWO a gradua y un parti di HAVO tambe na unda e fiesta den scol a cuminsa banda di 4:30pm cu basta alegria y hasta un brassband cu a acompaña e momento special aki.
“Esaki ta e prome aña despues di pandemia di Covid-19, despues cu aña pasa te ainda tabata existi e reglanan pa esaki y e aña aki 2-23 nan a bay back na normal na unda 57% di studiantenan di HAVO a gradua y 81% di nan a gradua di VWO,” el a sigura.
Igualmente Croes ta considera cu 81% di VWO ta un cifra hopi halto y ta mas miho cu 10 aña pasa y cu Covid-19 a yega di subi pero no na un nivel asina halto.
Tocante 57% di HAVO, el a señala cu esaki ta un tiki mas dificil na unda nan a haya tur examennan for di Hulanda y e Hulandes ta hopi dificil pa e alumnonan, manera el a sigura como docente di wiskunde unda e texto ta mas largo y pa su persona mes ta dificil pa lesa.
Pa loke ta trata e alumnonan, Croes a sigura cu “nos tin the best alumnonan di Aruba y ora nos tin pauze por ehemplo, nan ta hunga basket afo, casi ni un alumno ta riba telefon y esey ta hopi bon.”
