(AP) — Comision Ehecutivo di Union Europeo a elimina su pronostico di crecemento economico proximo aña, bisando cu 19 pais cu ta usa e moneda Euro ta bay cay den recesion durante weekend, mientras inflacion peak ta mantene pa mas largo di loke a spera, y costonan halto pa combustible y verwarming ta kibra poder di compra.
E pronostico di herfst di Comision Europeo lansa ayera ta pronostica un caida den output economico den ultimo tres luna di e aña aki y prome tres luna di 2023. E comision ta bisa cu prijs halto pa energia, aumento den costo di bida, tasanan mas halto di interes y reduccion den comercio global “ta spera di pusha UE, area di Euro y mayoria estado miembro den un recesion den ultimo kwartaal di aña.”
Bayendo dilanti, e pronostico di crecemento pa henter 2023 a keda reduci di 1.4% na 0.3%.
E pais cu ta bay pasa mas malo proximo aña probablemente ta Alemania, e economia mas grandi di Europa y un di esnan mas dependiente riba gas natural Ruso prome cu e guera na Ucrania. Tabata spera cu Alemania lo mira output reduci pa 0.6% durante proximo aña.
Prijs di gas natural y electricidad a aumenta mientras Rusia a reduci suministronan di gas pa Europa usa pa verwarming, electricidad y procesonan industrial. Oficialnan Europeo a acusa Rusia di guera energetico pa castiga paisnan di UE pa nan sosten pa Ucrania, mientras proveedor estatal Gazprom a cita motibonan tecnico y un rechaso di algun cliente pa paga pa gas den Rubles.
Den respuesta, paisnan di UE a lansa sosten financiero pa consumidornan enfrentando aumento den cobransa y a prepara suministronan nobo di gas natural via tuberia for di Noruega y Azerbaijan y den forma likido cu ta bin via barco for di Merca y Qatar.
Mientras almacenahe ta yen pa awo, un winter excepcionalmente friu y e perdida di e resto di gas Ruso lo por facilmente extende e crisis te winter 2023-24. Mientras tanto, consumidor y comerciantenan ta enfrentando cobransanan drasticamente mas halto cu a conduci cu algun compania a djis cera produccion no rendabel den areanan intensivo pa cu energia, manera fertilizante y staal.
E peak di inflacion ta bay yega mas laat di loke a spera, casi na fin di aña, y ta bay eleva e tasa averahe na 8.5% na 2022 y 6.1% na 2023 den e eurozone, e pronostico di UE ta bisa. Esaki ta un revision di casi un punto porcentual pa 2022 y mas di dos punto pa 2023.
Dos kwartaal consecutivo di caida den output ta un definicion comun di recesion, maske e economistanan di e comite di fecha di ciclo comercial di eurozone ta usa un set di data mas amplio, incluyendo cifranan di empleo. E comision a indica cu e mercado laboral ta bay mantene relativamente bon a pesar di reduccion den output durante weekend, pronosticando un aumento den tasa di desempleo di 6.8 porciento e aña aki na 7.2 porciento e siguiente y un reduccion na 7% na 2024.
