(Infobae) – Ayera diaranson, Ucrania a lansa contra Moscu 11 drone cu, segun Rusia, a ser benta abou durante un di e mayor atake contra e capital, mientras defensa Ucraniano a informa cu a tumba 50 drone y misilnan Ruso.
Atakenan riba Moscu ta produci memey di un ofensiva Ucraniano den region Ruso di Kursk, cu segun Kiev, tin como obhetivo acerca e final di e campaña realisa pa Rusia na februari 2022 den terminonan “husto.”
“Diesun avion sin tripulacion a ser destrui” riba Moscu y den region rond di dje, Ministerio di Defensa a bisa.
“Ta trata di un di e mayor intento di ataca Moscu cu drone,” alcalde di Moscu, Sergei Sobyanin a declara. Ademas, tambe a bisa den un mensahe anterior cu no a registra ni dañonan ni victima.
Despues di e atake, a aplica restriccion temporal na aeropuertonan di Vnukovo, Domodedovo y Zhukovsky for di 2.30 te cu 6.30, e organismo di control di aviacion Rosaviatsia a bisa. Na aeropuerto Sheremetevo no tabatin restriccion.
Atakenan cu drone contra Moscu ta poco frecuente. Na mei, Rusia a declara cu a benta abou un drone afo di e capital, loke a obliga impone restriccion na dos aeropuerto importante di e ciudad durante por lo menos un ora.
Den total, 45 drone di Ucrania a ser destrui pa sistemanan di defensa antiaereo Ruso, segun Ministerio di Defensa Ruso.
Mientras tanto, trupanan di Kiev ta continua nan asalto transfronteriso sin precedente den region Ruso di Kursk, na unda ta afirma cu tin bao control mas di 80 luga.
Den ultimo 24 ora, Defensa antiereo Ruso a benta abou cuatro misil y un dozijn di drone na regionnan frontera cu Ucrania, entre nan Kursk. Otro dos misil Ucraniano a ser tumba den e shelonan di Kursk, segun e gobernador den funcion di e teritorio Alexei Smirnov a skirbi na Telegram.
Oranan prome, Smirnov a confirma cu otro dos misil y dos drone a ser destrui na Kursk.
Servicionan medico Ruso ayera a subi te 31 e cifra di personanan morto y na 143 e cantidad di herido debi na ofensiva na Kursk. Segun Kiev, den mas di dos siman di combate su trupanan a haya e control di casi 93 localidad y di mas di 1,200 kilometer cuadra di teritorio Ruso, loke a obliga evacua mas di 122,000 habitante di e zona.
Ayera diaranson, Comision Electoral Central(CEC)di Rusia a cancela di manera indefini eleccion regional na shete municipio di e region debi na ofensiva Ucraniano.
