Operacionnan di auto di Uber cu ta core riba nan mes ta creciendo. E compania a bisa ayera cu e ciudad mas nobo den cual lo test nan vehiculonan autonomo ta na Dallas. Esaki ta e prome expansion mayor di Uber den su division di vehiculo autonomo desde un accidente fatal na Arizona na maart 2018.
Miho conoci pa su servicio di lift, Uber ta test vehiculonan autonomo desde 2016. Na Dallas, vehiculonan di Uber no lo ta operando den modo completamente autonomo ainda. Na luga di esey, e compania a bisa, cada vehiculo lo ta maneha pa un persona kende lo mantene control na tur momento. E tipo di coremento aki ta permiti e sistemanan di e autonan pa crea mapa di cayanan di e ciudad y ta yuda prepara e vehiculonan pa caminda habri.
“Dallas tambe ta ofrece nos e oportunidad di explora un tipo diferente di red di caminda pa nos tecnologia di coremento autonomo”, segun Austin Geidt, presidente di strategia di vehiculo autonomo di Uber, den un blog post. “E infrastructura moderno di e ciudad, patronchi unico di trafico, caracteristicanan di caminda y clima lo duna informacion nobo pa nos esfuersonan di ingenieria.”
Uber ya caba tin operacion di vehiculonan autonomo na Pittsburgh, San Francisco y Toronto. E compania a anuncia na augustus cu tabata expandiendo su oficina na Dallas y tabatin plan pa trece miles di cupo di trabou na e ciudad. Geidt a bisa cu Uber lo cuminsa test su vehiculonan autonomo na Dallas na cuminsamento di november.
E compania a retira tur su vehiculo autonomo for di caminda publico na 2018 despues di accidente fatal na Tempe, Arizona. E crash tabata e prome morto peaton conoci causa pa un vehiculo den modo completamente autonomo. E tempo ey, e programa di coremento autonomo di Uber a hala atencion di polis local, legisladonan y investigadonan federal, y e compania a stop su operacionnan di vehiculo autonomo na Arizona. Uber a cuminsa e test riba caminda di nobo december ultimo.
“Nos tin un mision pa entrega tecnologia sigur di coremento riba su mes na clientenan di Uber rond mundo”, Geidt a bisa. “Pa por yega na e futuro aki, nos mester construi e tecnologia aki cuidadosamente y cu un sentido fuerte di responsabilidad pa e comunidadnan den cual nos ta opera, cual nos team ta dedica na haci tur dia.”
