Uber ta bira oficialmente un compania di transporte y no mas un servicio digital, segun corte Europeo di Husticia (ECJ) a dicta. E organisacion a subraya cu nan ta un sociedad y servicio di informacion – yudando hende pa tuma contacto cu otro electronicamente – y no un compania di transporte.
E caso a bini despues cu Uber a wordo bisa pa sigui cu regla di taxi na Barcelona. Uber ta laga sa cu e veredicto aki lo tin poco efecto y no lo haci mucho diferencia den e manera cu nan ta opera na Europa, pero expertonan ta bisa cu e caso por tin implicacionnan grandi pa e mercado aki.
Un vocero di Uber a bisa cu: “E veredicto aki no ta bay cambia cosnan den mayoria di paisnan Europeo unda cu nos ya caba ta opera bao ley di transportacion.” Sinembargo miyones di Europeano ainda lo keda prohibi pa uza apps manera Uber. Manera cu nan CEO nobo a bisa, ta importante pa regula servicionan manera Uber pues nan lo continua e dialogo cu ciudadnan rond Europa. “Esaki ta con nos ta bay acerca e situacion pa sigura cu tur hende por haya transportacion por medio di tap di un boton.”
Fuente: CNN
