U.K su consehero di vacuna ta conseha den contra di vacunacion pa muchanan saludabel cu edad di 12 pa 15 aña

(AP) – U.K su conseheronan di vacuna riba diabierna a nenga di recomenda vacunacion di muchanan saludabel contra COVID-19, bisando cu e beneficionan directo di e vacuna ta “marginal.” Sinembargo, e gobierno Britanico a bisa cu nan lo hunta cu otronan mundialmente den ofrece e vacuna despues di trata cu problemanan di sociedad mas amplio.

Den su analisis tocante e pregunta si e vacuna mester ser expandi pa inclui muchanan entre edad di 12 y 15, e Joint Committee on Vaccination and Immunization a conclui cu e beneficioan ta “marginal y hopi mas grandi cu e dañonan cu potencialmente por ser causa.”

Cu solamente 2 pa miyon di muchanan saludabel den necesidad di cuido intensivo pa causa di COVID-19, e Joint Committee on Vaccination and Immunization a bisa cu e “margen di beneficio basa primeramente na e perspectiva di salud, ta considera hopi chikito pa por sostene conseho na un programa universal.”

Den contraste, e averahe entre muchanan cu un condicion di salud ta hopi mas halto cu mas di 100 pa cada miyon. Como resultado, e Joint Committee On Vaccination a expande e grupo di muchanan mas grandi cu un problema di salud cu lo mester ser ofreci e vacuna. Esaki ta inclui e muchanan cu problemanan di salud cronico, di pulmon, rinon y condiccionnan neurologico. Esaki kiermen cu mas di 200,000 mas mucha lo ser invita y ofreci e vacuna di Pfizer of Moderna.

Aunke e Joint Committee On Vaccination a fracasa di sostene e ofrecimento universal na muchanan mas grandi den bisua cu scolnan a caba di habri bek pa e aña escolar nobo, U.K por te ainda haci mescos cu Francia, Alemania y Merca den e decision di ofrece e vacuna na e grupo aki.

E ministerionan di salud di e 4 nacionnan di U.K cual ta England, Scotland, Wales y Northern Ireland, a bisa cu nan a pidi e perspectiva di hefenan oficial medico pa haci nan mesun decision den bista di Joint Committee On Vaccination su analisis.

“Hendenan di edad 12 pa 15 cu ta clinicamente vulnerabel na e virus ya a ser ofreci e vacuna contra di COVID-19, y awe lo expande pa inclui e muchanan cu enfermedadnan den e oferta, pa asina por proteha hopi mas muchanan vulnerabel,” segun secretario di salud Sajid Javid.

“Despues nos lo considera e conseho di e oficialnan medico, trahando riba di e conseho di JCVI, prome cu haci un decision y haci esaki publico.” El a agrega.

Un riesgo cu a ser identifica ta e condicion conoci como myocarditis, cual ta encera e inflamacion di e musculo di e curason. E condicion por resulta den periodonan cortico bao observacion di hospital, sigui pa recuperacion tipicamente slow, pero e Joint Committee On Vaccination a conclui cu tin mester di mas tempo pa por tin un imagen mas cla di e resultadonan di e vacunanan.

“Esaki tabata un decision finamente balansa,” segun Anthony Harnden, e Joint Committee On Vaccination su CEO. “Pero mientras cu e beneficio ta keda mas grandi cu e riesgo, e riesgonan te ainda no ta completamente conoci na e momentonan aki.”

Aunke Joint Committee On Vaccination a opta contra di ofrece e vacuna na muchanan grandi, nan a declara si cu e no ta entre nan pa lidia cu e impacto social, manera den educacion of otro muchanan cu ta actua como fuente di transmision.

Javid ya a pidi e National Health Service pa prepara pa asina por duna vacunacion na e muchanan mas grandi, na momento cu esaki ser recomenda pa e hefe di oficialnan medico.

E NHS tambe ta preparando pa dosisnan extra potencial pa e adultonan mas grandi. E Joint Committee On Vaccination ta premira di dicidi pronto tocante e tercer dosis, y si esaki lo mester ser ofreci na tur adulto f solamente na e personanan ariba di un cierto edad of cu cierto condicionnan medico.

E gobierno ta ser urgi pa haci e decision aki pronto, potencialmente prome cu Joint Committee On Vaccination a haci nan conclusion, no wardando hopi pa motibo cu e proximo temporada ta yegando, un temporada unda cu e virus ta haya mas persona pa infecta.

Aunke casi 80% di e populacion adulto di U.K ta completamente vacuna, e pais a mira cifranan di infeccion hopi mas halto cu e luna pasa, despues di a kita e restriccionnan di ciere. Riba diabierna, Britain a yega record di otro 42,076 infeccion, cu e cantidad mas halto diario dede juli 21. Mortonanan relaciona cu morto, tambe a cuminsa aumenta cu un cantidad di 121 extra riba diabierna, hibando U.K su total na 133,041, cua ta europa su cantidad mas halto.

Jeremy Hunt, e secretario di salud anterior, ken a ser gana a Prome Minister Boris Johnson den aña 2019 den e careda di bira e partido conservativo su lider, a bisa cu tempo ta esencial.

“Den un pandemia, i ta kere cu te hasta algun dia por haci un diferencia grandi,” el a bisa BBC radio. “Kiermen, ami ta kere cu nos mester solamente tuma accion sin warda pa e conseho. Nos tin cu cuminsa cu e programa di dosis extra.