ORANJESTAD – E cantante y actor Mericano, Tyrese, a papia cu prome minister Mike Eman pa trece un ‘movie studio’ na Aruba.
Esaki e director di e programa di e Aruba International Film Festival (AIFF), Aaron Hosé, a divulga na BonDia24 diabierna. E ta bisa cu Tyrese ta un hende hopi consciente di su status como celebrity y ta pa esaki den beneficio di potencialnan cu e ta encontra. Hosé tambe ta menciona cu wak Aruba manera un luga cu ya ta creciendo hopi den e ramo di peliculanan y artistanan local cu hopi talento.
Un studio di produci pelicula ta algo cu Tyrese ta pensa lo beneficia hopi, segun e director di AIFF, ya ta un proyecto cu e tin na varios locacion na Merca caba. Esaki lo uni e localnan cu talento den e ramo aki pa bini hunto y crea cosnan fundamental pa nos isla y promove esaki internationalmente. Y tambe e lo motiva kisas esunnan cu talento scondi pa “tap into” esaki y pa bo tin e luga cu ta facilita tur esaki pa nan por sigi desaroya nan talento, asina Hosé ta bisa den e entrevista exclusivo.
Su bishita tabata uno sumamente exitoso y nos ta spera di wak e pronto bek.
