Twitter ta planea di reelansa e programa di verificacion proximo aña

Twitter Inc a publica riba diamars pa su politica nobo tocante con ta verifica na e personanan den e sitio, un area cu e compania a priminti di renoba durante hopi tempo pa aborda e confusion y e criticanan tocante e marcanan di verificacionnan color blauw cu ta wordo uza pa autentica e identidad di e cuentanan prominente.

Twitter a bisa cu a pauze e presentacionnan publico pa nan verificacion den 2007 despues di scucha comentarionan cu e programa “tabata sinti arbitrario y confuso pa hopi hendenan”. A bisa cu den e momento ey e marca di verificacion tabata confundiendo cu “un respaldo of un indicado di importancia”.

Un aña despues, Twitter a bisa cu e tabata colocando areglonan den e programa di verificacion den un segundo plano pa contrae den cuestion manera e integridad di e eleccionnan, aunke a sigui verifica algun cuentanan, manera e expertonan medico cu ta tweet tocante COVID-19 e aña aki.

“Desde e ora, nos no tabata tin claro ken por ta wordo verifica y ki ora, pasobra un cuenta por no ta verifica of cu ta significa ta verifica” Twitter a bisa den e publicacion di e blog riba diamars.

Twitter tambe a bisa cu e por verifica cuentanan cu ta cumpli cu otro standardnan, manera un di e cuentanan mas sigui den e pais di e usuario y tin “notoriedad fuera di Twitter”, loke por evalua traves di e tendencianan di buskedanan di Google, referencianan di Wikipendia of cobertura den medionan di comunicacion.

E compania a bisa cu e por elimina e signo blauw di e cuentanan cu ta viola severo of repetidamente e reglanan, manera nan politicanan tocante conducta di odio, integridad civico of glorificacion di e violencia. Pero e bisa cu e retironan aki no lo ta automatico y lo wordo evalua caso pa caso.

Twitter a publica tambe e propuesto motibonan pa denega e verificacion, por ehempel, cuentanan cu ta wordo blokia door di viola e reglanan den e ultimo 6 lunanan of cuentanan di personanan asocia cu contenido di odio of cu a comete “violacionnan grave di derecho humano”.

Twitter tambe tin manera obhetivo e politica final di 17 december. Tambe indico plannan pa mas formanan cu e usuarionan identifica nan mes cu tiponan di cuenta nobo y stickers.