Twitter lo prohibi avisonan cu ta contradeci ciencia tocante topiconan relaciona cu cambio di clima

(AP) – Twitter a revela cu nan no lo permiti avisonan riba su sitio web cu ta nenga e consenso cientifico tocante cambio di clima, cual ta mesun cos cu e politica cu ya caba a ser implementa na Google.

“Avisonan no mester kita for di conversacionnan importante tocante e crisis di e clima,” e compania a publica den un declaracion cu ta elabora tocante nan politica nobo riba diabierna. No tabatin ningun indicacion cu e cambio aki lo afecta loke usuarionan ta publica riba e red social, cual conhuntamente cu Facebook awo ta victima di gruponan cu ta buscando promove argumentonan eroneo tocante cambio di clima.

E anuncio riba diabierna a coincidi cu Dia di Tera cual a bini oranan despues cu e Union Europeo a keda di acuerdo cu na un trato unda cu companianan grandi tecnologico mester vigila nan sitio web mas estrictamente pa cualkier contenido dañino of di mal informacion.

Twitter a bisa cu nan lo provee mas informacion tocante esaki den e lunanan binidero, y tocante con nan tin plan di provee “contexto confiabel, relevante y autoritativo riba e conversacionnan” cu su usuarionan cuminsa, incluyendo e Intergovernmental Panel on CLimate Change.