(CuraçaoChronicle) – Den siman di 24 di januari, Tweede Kamer di Parlamento Hulandes ta bay debati cu, entre otro, prome minister Mark Rutte y minister di Asuntonan Interno y Relacionnan di Reino, Hanke Bruins Slot tocante e disculpanan cu gabinete Rutte a duna pa sclavitud den pasado di Reino Hulandes, y tambe tocante un fondo pa conscientisacion cu ta bay set up.
A pesar di obhecionnan den circulonan Surnameño y Antiano, Rutte a pidi disculpa den nomber di gobierno historico di Hulanda riba dia 19 di december durante un discurso for di Archivo Nacional, cu por a sigui via un transmision en bibo.
Ministernan di e gabinete Hulandes tabata presente na tur parti Caribense di Reino Hulandes, como tambe na Surnam, pa splica e discurso y drenta den combersacion cu organisacionnan cu a duna input pa e Grupo di Dialogo riba Historia di Sclavitud.
