Un turista masculino cu a bay lama cu su famia, a enfrenta problemanan den awa cu lamentablemente a resulta den su fayecimento.
Ayera atardi, banda pabao di e hotel Riu y cerca di e pier di strandpolitie, un turista masculino a enfrenta algun problema den awa y ta aparenta cu el a hoga. E personanan cu tabata presente a saca su persona for di e awa, y a cuminsa cu intentonan di reanimacion despues a pone riba e pier.
Na momento cu a notifica autoridadnan, tanto polis como ambulance a dirigi nan mes na e sitio cu tur urgencia. Mirando cu no tabatin otro opcion, un boto di un compania di deporte den awa a brinda su ayudo y a trece e curpa na tera pa asina e paramediconan por sigui cu e reanimacion y duna auxilio. A sigui cu e intentonan di reanimacion, sinembargo lamentablemente no a haya un pulso mas.
Dokter a presenta na e sitio pa asina por constata e fayecimento, como tambe slachtofferhulp pa por duna e familiarnan cu a presencia e momentonan doloroso tur sosten posibel.
