Diaranson merdia den careda di 2’or tanto strand politie y dos a ambulance a bay eagle beach cu urgencia, e area caminda nan ta huur wave runners.
Prome informacionnan cu a drenta tawata papia cu un persona lo a accidenta cu un wave runner y cu e caso ta hopi serio.
Na yegada nan ta bin compronde cu berdad lo tin un wave runner envolvi, pero nada di accidente.
A bin resulta cu un turista di 69 aña di edad hospedando na RIU Antillas a bay core un wave runner y dado momento e lo a bira malo y cay for di dje.
Esunnan responsabel despues di un rato lo a haya su falta y a sali pa e sitio y ta haya e turista Mericano Edward Herder di 69 aña aparentemente boca bou den lama y tawata mustra cu e no tawata duna señal di bida.
Na tera pa mas o menos 3:05 Dokter Wijngaarde a constata morto. E victima di loke nos por a constata su casa tawata ariba beach.
