Sr. Richard Logan ta biba na Benfleet, Essex, United Kingdom. E ta yama su mes e “Beach Hunter.” El a recientemente pasa su vacantie na Aruba anto a traha un documentario corto di esaki. “Nos a pasa masha dushi mes den e isla bunita, sigur y contento aki,” e ta comenta. Sr. Logan a traha un corto documentario tocante e beachnan di Aruba cu combinacion di potret y ratings riba e miho beachnan. Cu esaki sr. Logan su intencion ta pa yuda otro turistanan haya e tipo di beach cu mas nan lo preferi riba e isla, cual e ta haci tur otro caminda cu e bishita. E ‘Beach Hunter’ ta bisa cu el a explora y studia beachnan pa hopi aña sea bishitando nan of lesando over di nan.
Sr. Logan a comparti e documentario aki riba nos pagina di Facebook y nos a dicidi di comparti esaki cu comunidad di Aruba mirando cu e ta un acto sumamente positivo pa nos isla.
Akinan por mira su documentario:
