Durante e prome kwartaal di 2017, Aruba Tourism Authority a reporta cu tabatin un caida di 15% den e cantidad total di bishitantenan na Aruba.
Turismo ‘stay-over’ di Norte America a conoce un aumento di 7.7% den e prome kwartaal di 2017, pero loke ta turismo ‘stay-over’ di Latino America, esaki a conoce un caida di 57.6 porciento. E caida aki ta na gran parti debi na e caida den turismo di Venezuela, cual tabatin un caida di 76.4%.
Pa loke ta turismo Europeo, e mercado aki a mira un aumento di 4.5% pa 2017.Turismo crucero na maart 2017 a mira un aumento di 3.1%, a pesar cu tabatin 41 crucero den nos haf, cual ta 7 menos compara cu na maart 2016.
Tambe e contribucion economico di turismo na 2016 tabata 2.902.20 miyon florin, cual ta un caida cu 1% compara cu 2015.
