E cinco sospechoso deteni diamars anochi den e caso di e polis Ferry Bakx, tira mata na Boneiro, tin e nacionalidad Venezolano. Esaki Korps Politie Caribisch Nederland a confirma na e fuente Hulandes De Telegraaf. Riba e pregunta si nan tabata keda ilegal na Boneiro, e vocero policial no kier duna comentario, pasobra e investigacion ainda ta andando. Polis di Aruba tambe ta duna asistencia na e caso aki.
E fuente Hulandes ta pone e caso aki den contexto di e situacion na Venezuela y cu mas y mas Venezolano ta huy e situacion malo den nan pais. Habitantenen di e islanan Hulandes Caribense ta preocupa di e migracion aki y cu lo drenta mas criminal, asina e fuente ta bisa.
Fuente: De Telegraaf
Potret: Ret Karibense
