Bomboshi, ambiente! Aruba mi t’ey. Of miho bisa nos t’ey. Dushi pa ta den calor bek, bisti tiki paña, sinta pafo cu mi cachonan. Its good to be home. Pero bon, laga mi conta bosa un storia. “Tur dia mi ta lanta wak mi pais bay atras” mi prima di 11 aña a bisa. E titulo di e columna, no a sali di den mi cabes. Mensen, boso a lesa esey bon. 11 aña. Ya mi cu su
mama ta bolter di harimento pasobra nos ta sigur e mucha ta un machi paden of e djis tin
mucho sabiduria pa su edad. Tin ora, e ta leuk pa scucha mucha papia. No solamente
papia cu nan, pero scucha kico nan ta bisa otro tambe. E mas pret di muchanan ta
cu e filter ey entre boca cu celebro no ta existi. Pues locual nan pensa nan ta bisa sin tene cuenta cu nada. Tin hende cu ta crece y nunca ta haya e filter ey si. Den nos sociedad nos ta gusta duna hende asina tur tipo di nomber, incluyendo honesto. Aunke parti di madura ta tene na cuenta cu no ta tur cos por wordo bisa.
Den bon Arubian fashion, mi tin un prima cu ta hiba su yiunan Merca casi tur aña. Mas grandi e muchanan ta bira, mas opinion nan ta bin bek cu ne. Y aunke nan no ta comprende cu bay un luga cu vakantie ta diferente cu biba na un luga permanentemente,
nan ta super critico si. Esun di 11 aña ta argumenta “Na Merca nan tin hopi going on y anos no tin nada”.
Esun di shete aña ta bisa “Na Merca tur cos ta dushi, na Aruba nada ta dushi”. Mi pober curason Caribense ta kibra ora mi ta scucha con hopi e muchanan aki ta idolisa cultura Americano. Pero claro, nan ta mucha. Nan ta pensa Merca y pensa riba Disneyland, nan no sa cu Donald Trump ta driving e pais straight into hell. Nan ta pasa nan dianan ta haci
videonan papiando na Ingles dilanti un camara pasobra nan ta aspiring Youtubers
y nan mester upload video pa nan Youtube family. Tur aña nan ta pura pa bay Merca
atrobe. Pero mi ta sinti duele cu desde chikito muchanan ta wordo indoctrina pa no
balora nan isla. Ami no ta mete mucho den e manera cu mi primanan en general ta
lanta nan yiunan. Pero si ami lo tabata nan mama, lo mi a hala nan atencion un tiki of
sikiera bringa e negativo cu un positivo. Some where den e Palm Beach area, mi a sinta cu mi juffrouw di MAVO pa combersa. E ta den su late thirties pero e tambe ta comparti e pensamento di mi prima di 11 aña.
E isla, segun e, tambe ta bayendo atras. E ta conta mi cu tin algo di Aruba cu no ta mustra mucho honesto mas. Cu entre Playa cu Palm Beach e no por haya nada mas cu ta corda e di su niñes, ni di su tiener jaren nan mas. “Ta manera cu e isla no tin alma” E ta comenta. E isla cu el a crece aden, no ta existi mas. Ami a caba di yega, mi a bin Aruba pa mi come ham y disfruta un tiki di e calor prome cu mi mester bay Hulanda bek pa take
care of business. Mi tin un poco argumento pa tur locual mi prima chikitonan y mi juffrouw a bisa. Nos ta laga esey pa otro siman. Y boso mi hendenan? Cual ta e ultimo biaha cu bo a sinta pensa di un forma critico tocante e situacion na e isla? Cual ta e
ultimo biaha cu bo a pensa riba su bienestar y progreso? Bo tambe ta pensa cu nos no tin algo going on?
