E luna di juli a yega y wind- y kitesurfernan local y internacional ta prepara nan mes pa e Aruba HiWinds 2017, e evento di deporte nautico mas grandi den Caribbean. E aña aki e evento ta celebra su di 31 aniversario. Aunke hopi cos a cambia for di antes, ora windsurfernan profesional a bin Aruba pa competi na fin di añanan ‘80 y inicio di añanan ‘90, Aruba Hi-Winds semper a logra di sigui e ultimo trendnan.
E ultimo 20 aña Aruba Hi-Winds tabata un evento popular pa participantenan di Merca, Europa y Caribbean. Kiteboarding a bira un parti importante di e evento, mescos cu e competencia di Mountain Bike. Aruba HiWinds a bay cu su tempo y tey pa keda! Anto expecta e Fisherman’s Huts pa yena un biaha mas cu belanan colorido y atletanan entusiasma e prome siman di juli! Aruba tin hopi talento den windsurfing: Sarah-Quita Offringa, multiple world champion freestyle y slalom, a lanta na Aruba y a participa den Aruba Hi-Winds pa añanan.
Mesun cos ta conta pa Ethan Westera, cu recien a gana e titulo di “IFCA Slalom World Champion.” Pueblo por mire den accion e edicion aki di Aruba Hi-Winds. E aña aki Aruba Hi-Winds lo cuminsa diamars dia 4 di juli. Lo tin un kick off di e evento y e kiteboardernan hoben lo cuminsa nan prome “Big air competition,” E siguiente dia, windsurfernan lo start cu nan caredanan di slalom riba laman. Diabierna lo tin algo nobo.
E aña aki, e prome Hi-Winds Caminata lo tuma luga. Cu musica bibo y un raffle, e fun beach walk aki lo ta e caminata mas pret riba nos isla. E caminata lo start diabierna dia 7 di juli, 5:30 pm na Fisherman’s Huts. Fin di siman, dia 7 pa 10 di juli, windsurfernan y kiteboardernan lo sigui cu nan caredanan di long distance. Lo tin 5 careda y mientrastanto e kitesurfernan lo bringa pa bula mas halto den e disciplina nobo “e Big Air Competition!” Competidonan lo purba di bula mas halto cu posibel y e lo ta midi electronico! Aruba Hi-Winds no ta un fiesta di deporte so, e tambe ta encera entretenimento den bibo di DJ CJ y banda Full Chemistry diabierna despues di e caminata; diasabra dia 8 cu Travel Session y Kawura y diadomingo dia 9 cu Alain Rockney, Honeypot y DJ Nutzbeatz. Hunto cu e miembronan di e Aruba Hi-Winds comite, e organisadonan di e evento, Arnaud Plas y Ruben Metz, a traha duro pa organisa un tremendo evento.
Nan ta invita tur hende cu ta gusta solo, laman, deporte nautico, bebida frieuw y entretenimento bibo, pa nota Aruba Hi-Winds den nan agenda (dia 4-10 di juli na Fisherman’s Huts) pa no perde nada di e evento. “Like”nos riba Facebook pa keda na altura di e ultimo noticia y mas informacion por haya na www.hiwindsaruba.com
