(NLTimes) – Fabricantenan di vehiculo di hidrogeno na TU Delft ta tumando un metodo diferente e aña aki. E biaha aki, ekipo di studiante Eco-Runner lo crea un vehiculo cu mester cumpli cu tur e rekisitonan pa ser permiti core riba cayanan publico.
Cu bueltanan na e barionan di Elfstedentocht, nan kier kibra e record mundial cu e vehiculo aki den juni. Nan kier cubri un distancia total di 2,056 kilometer cu menos di un kilogram y mey di hidrogeno.
E ekipo a kibra recordnan mundial anteriormente pero den un categoria diferente. Aña pasa, nan a core 2,488.5 kilometer den un circuito na Alemania den un vehiculo cu no tabatin e intencion di core riba caya, sin bolbe yena e tanki. Cu e vehiculo nobo aki, e Eco-Runner XIV, nan kier demostra cu “eficiencia no mester ta comprometi pa tur e standardnan di siguridad cu un vehiculo moderno mester cumpli cune.”
En general, Eco-Runner Team Delft tambe kier lidia cu e problema di sostenibilidad den e sector di mobilidad. “Mobilidad ta produci 25% di e emision total di gasnan. E cifra aki por baha solamente si nos cuminsa usa menos petroleo, por ehempel, pa medio di haci nos transport mas chikito y menos pisa,” nan a splica.
E ekipo aki ta consisti di 25 studiante cu ta trahando hunto. Nan a presenta e diseño riba diaranson atardi y lo sigui desaroya e vehiculo den e periodo binidero. Esaki lo keda presenta na e publico dia 8 di mei. Prome cu e vehiculo por subi caya na Friesland, e mester pasa un serie di testnan.
E ruta di Elfstedentocht ta simbolico. “No a core riba Elfstedentocht pa 27 aña a causa di calentamento global,” e ekipo a splica. E studiantenan kier enfatisa e necesidad urgente pa “un alternativa y algo cu ta miho pa e medio ambiente.” Hidrogeno por ser usa di un manera limpi usando awa y sosteniblemente usando electricidad genera. E uso no ta produci emision di CO2 of polucion di aire.
