Cruz Cora di Indonesia ta acelera e asistencia pa e victimanan di e tsunami cu a afecta e Estrecho di Sonda, entre e islanan di Java y Sumatra, cumpliendo e 14 aniversario di e tsunami mas devastador cu hamas a yega di registra.
Federacion Internacional di Cruz Cora y Medio Luna Cora, cu ta coordina e esfuersonan internacional di apoyo pa e ekiponan di ayudo, a informa cu e ekipo medico a yega na e zona mas leu, unda hende no a ricibi ayudo desde cu e desaster a sucede.
Asina 14 truck a hiba awa potabel pa e poblacion afecta y dos helicopter ta participa na e trabaonan di buskeda y rescate di sobrevivientenan.
Ta suministra ayudo humanitario na e damnificado, hopi di nan a perde nan cas den un episodio tragico nobo cu ta coincidi cu e aniversario di e tsunami na Oceano Indio cu dia 26 di december di 2014 a golpia 13 pais di Sureste Asiatico y a laga mas di 226.000 morto, e mayoria di nan di Indonesia.
“Mas di 400 boluntario y personal di e Cruz Cora a duna servicio medico y suministro esencial na e sobrevivientenan, a haci e cayanan limpi y a yuda den e rescate na provincia di Baten y Lampung, areanan cu tin hopi poblacion y cu a keda pa gran parti destrui pa e olanan di dia 22 di december.
Ta calcula cu ademas di e 430 morto y 1.500 persona herida den e ultimo tsunami a causa e desplasamento di mas di 21.000 persona cu mester a sali di e zona di costa y busca refugio mas leu den interior.
