(AP/Guardian) — Prome minister Britanico, Liz Truss a retira diahuebs despues di un termino tumultoso y historicamente breve marca pa politicanan economico cu a sacudi mercadonan financiero y un rebeldia den su partido politico cu a destrui su autoridad.
Despues di apenas 45 dia a cargo, Truss a bira e tercer prome minister Conservador retira den e mesun cantidad di aña, y e ta bay den historia Britanico como e lider cu servicio di mas cortico. Su renuncia ta extende e instabilidad cu a sacudi Reino Uni desde cu a separa for di Union Europeo y ta laga su liderazgo den limbo mientras e pais ta enfrenta un crisis di costo di bida y un recesion na caminda.
Mercadonan financiero a suspira cu alivio, pero awo un partido dividi den gobierno mester rapidamente busca un lider cu por unifica su fraccionnan den guera.
Libra sterlino a aumenta como 1 porciento na $1.13 despues di renuncia di Truss.
Unda e Partido Conservador ta bay awo no ta cla.
“A dura menos cu un lechuga”
Mientras tanto, un lechuga di supermercado Tesco cu un peluca blond a keda corona campeon di un competencia inusual despues di dura mas cu Liz Truss na su cargo.
Siete dia prome cu e renuncia, Daily Star a pone un transmision en bibo di e lechuga pa wak si e lo keda fresco mas largo cu e prome minister lo keda na su cargo. Pa añadi na e humiliacion di Truss, e lechuga a gana.
E joke di Daily Star tabata inspira pa the Economist, cu anteriormente e luna aki a comenta cu e duracion di Truss na Downing Street tabata menasa di ta “mas o menos e duracion di un lechuga”. E video di e lechuga a hala atencion internacionalmente como un simbolo di e desintegracion rapido di gobierno di Truss y e burla cu el a enfrenta.
