Presidente Donald Trump, durante investigacion di impeachment di su solicitud na Ucrania pa investiga ex-Vice President Joe Biden, a pidi pa China haci mescos.
Trump a bisa cu e no pidi directamente na e President di China, Xi Jinping, pa investiga Biden y su yiu Hunter, pero cu ta algo cu nan por cuminsa pa pensa. Trump a defende su contacto cu Ucrania como ‘perfecto’ y a expande su conducta pa inclui China.
E peticion di Trump pa China a evoca su yamada publico na 2016 pa Rusia track email di su rival e tempo ey, Hilary Clinton – un movida mira como un apelacion sin precedente pa intereferencia stranhero den eleccion. Ta un violacion di e ley federal di financiamento di campaña pa solicita cualkier cos di balor for di un gobierno stranhero pa yuda un campaña.
Den e caso di Ucrania y China, Trump a haci acusacion contra Biden sin evidencia di iregularidad.
E presidente y su abogado personal, Rudy Giuliani pa varios dia ta lantando sospecha riba e negociacionnan di Hunter Biden na China, basa ampliamente riba escritor conservador, Peter Schweizer. Dialuna, Geng Shuang, Vocero pa Ministerio di Asunto Exterior di China, a bisa cu e acusacion cu gobierno Chines a duna yiu di Biden $1.5 biyon ta ‘totalmente sin base’.
El a bisa cu China tin un ‘deal amoroso’ pa comercio Mericano danki na Biden. Den declaracion cu periodista na Arizona, Vice Presidente, Mike Pence, a haci un yamada pa Trump pa haci investigacion di Biden.
“E pueblo Mericano tin derecho pa sa si e ex Vice Presidente di Merca of su famia a beneficia di su posicion durante e ultimo administracion”, Trump a bisa. Trump mes a yega di confronta acusacion cu e y su yiunan a enrikece mas pa motibo di su presidencia.
