Legisladornan Democratico y Republicano ta bay duna un danki grandi na Donald Trump pa a retira director di FBI James Comey, e presidente ta bisa. Diaranson mainta Trump a defende su decision di retira e director pa no a maneha e asunto di Hillary Clinton su emails apropiadamente, segun informacion di Casa Blanca. Sr. Comey tabata investigando posibel envolvimento di Rusia den ultmo campaña electoral na Merca. “E decision aki ta lanta preguntanan grandi, entre otro si Casa Blanca ta strobando investigacionnan criminal,” Democrata Adam Schiff ta bisa. Presidente Trump ta sin embargo defende su posicion awe mainta y bisa: ” James Comey ta bay wordo re emplasa door di un persona cu ta bay haci un miho trabao, treciendo bek e spirito y prestigio di FBI.”
