Dos persona a testigua den audiencia di impeachment dilanti Camara di Representante tanten cu investigacion ta profundisa den Cas Blanco. E Teniente Coronel Alexander Vindman (oficial di ehercito den Conseho di Siguridad Nacional y Jennifer Williams trahado di oficina di Vice President Mike Pence.
Ambos tin preocupacion ora cu Trump a papia cu e president di Ucrania recien eligi di investigacion politico di e democrata Joe Biden ‘locual ma tende tabata inapropia’ Vindman a bisa legislado.
Nan dos a cuminsa un siman crucial di testimonio di 9 testigo awo cu investigacion ta acelera. Vindman ta un oficial militar di 20 aña. Ora el a yega Capitol Hill cu su medaya di servicio a informa su preocupacion ‘un sinti di deber’ pa motibo cu tin implicacion di siguridad nacional di nan pais.
Vindman ta un inmigrante kende a yega Merca ora e tabata un mucha. El a bisa cu ta gradici pa e privilegio di ta un ciudadano Mericano y un sirbido publico caminda e por biba sin miedo pa siguridad di dje y su famia.
President di e comite di inteligencia democratico kende ta lidera investigacion, representante Adam Schiff, a señala cu Trump a ‘tweet’ contra Williams durante fin di siman y a wak hopi atake contra Vindman.
Schiff a adverti cu atake di e president contra otro den investigacion di impeachment por wordo mira manera intimidante, el a bisa cu testigo ta eynan pa nan testigua y no pa ta na fabor of contra di impeachment.
Principal republicano di comite, representante David Nunes, a puntra testigo pa nan preocupacion, presionando Vindman kende ta un di comunidad di inteligencia.
Vindman ta bou di cuido di ehercito di Merca y Polis local, segun trahado di e pais. Tambe a bisa cu ehercito ta prepara pa tuma medida adicional, si ta necesario, incluyendo e traslado di Vindman y su famia na un luga mas sigur.
