(Reuters) – E administracion di Trump su decision di para importacion di costo abao di drenta Merca liber di tarifa ta probabel di ta un golpi mas feurte pa Shein compara cu Temu, danki na Temu su rango di producto mas amplio y cambionan na su strategia.

Ambos website a crece grandemente den añanan recien na Merca yuda pa e regla asina yama ‘de minimis’, un medida cu ta duna excepcion na cargamento di menos di 800 dollar ora di paga impuesto di importacion. Un rapport den juni di 2023 a calcula cu e bendedornan Chines ta responsabel pa mas di 30% di e paketenan cu ta yega Merca cada dia bao e regla.

E regla aki a ricibi critica durante administracion di Biden causando cu ambos firma a cuminsa haci preparacion pa depende menos riba esaki, sinembargo Temu a haci cambionan mas lihe, segun analistanan y bendedornan a bisa Reuters. Temu ta pertenece na PDD Holdings mientras cu Shein tin meta di yega London den prome mita di e aña.

Analista di tecnologia Riu Ma a bisa cu Temu “rapidamente a expande su model semi-maneha” como parti di e base, un strategia similar na Amazon unda ta manda cantidadnan grandi na warehouse den exterior na luga di directamente pa e clientenan.

Dentro di lunanan di su intento pa atrae bendedornan cu lo tin inventario na Merca maart ultimo, mas o menos 20% di Temu su bentanan na Merc a ser manda via bendedornan local na luga di directamente na China, segun calculacionnan di investigacion di comercio online Marketplace Pulse.

Dos bendedor basa na China di Temu a conta Reuters cu pa fin di aña pasa, mita di e productonan cu a bende pa Merca a ser manda warehouse na e pais prome.

Temu tambe ta aumentando e proporcion di articulo cu e ta manda via lama. Basile Ricard, director di operacion na Ceva Logistics Greater China, a bisa cu un aumento den Temu su uso di barco pa manda gran cantidad di producto y cosnan di mas balor y mas tamaño tabata aparente den e di dos mita di aña pasa, reduciendo e importacion bao e cantidad den ‘de minimis’.

Den contraste, Shein ta keda depende riba vuelonan pa directamente manda miles di producto cu e ta bende pa siman, Ricard a bisa, aunke el a habri centronan den estadonan incluyendo Illinois y California, ademas di un cadena di suministro na Seattle.

“Mi ta kere ta importante pa separa Shein for di e resto di hungadonan den e mercado pa motibo cu nan negoshi ta basa riba velocidad di provee estilo nobo y nan mester keda reactivo na modanan, pues velocidad ta un parti mas grandi di nan negoshi,” el a splica.

E gran mayoria di Shein su productonan te ainda ta traha na China, sinembargo el a cuminsa diversifica su cadena di suministro, agregando di Brazil y Turkia, por ehempel, un movida cu por acelera den bista di tarifa y regulacionnan nobo.

Temu y Shein no a responde na peticion pa comentario.

Trump su orden ehecutivo e siman aki a manda e industria den confusion cu Merca su servicio di post riba diaranson anulando un decision di no acepta pakete di China y Hong Kong, cual el a anuncia net 12 ora prome.

Analistanan di Nomura ta calcula cu e volumen di cargonan di ‘de minimis’ na Merca por cay cu 60%, mirando cu Mericanonan cu pidi for di Shein, Temu y amazon Haul ta enfrenta prijs mas halto.

Alrededor di 1.46 biyon a drenta Merca usando e provision di ‘de minimis’ den 2024, 36% mas cu den 2023 segun data di CPB.

Ma, sinembargo, a bisa cu e ta anticipa cu Shein y Temu lo adapta rapidamente, mirando e agilidad di China su firmanan di comercio online y nan cadena di suministro. “Mi ta kere cu e lo tin un impacto real, specialmente den termino corto, pero e no lo ta algo catastrofico,” Ma a bisa. “China tin e operadornan di comercio online mas competitivo y e cadena di suministro mas avansa. Al menos cu bin un prohibicion total of algo asina, mi ta kere nan lo por busca un solucion.”

Potretnan di Reuters y AP