“Mi gusta Rex, pero nos no a bay di acuerdo”, presidente di Merca Donald Trump ta bisa.
E presidente a retira secretario di estado Rex Tillerson via Twitter anto nombra director di CIA Mike Pompeo pa reemplas’e. Tillerson su vocero a laga sa cu nan a haya e noticia aki via rednan social tambe ora cu el a mira e Tweet di e presidente bisando e danki pa su servicio manera un top diplomatico di Merca.
Tillerson ta ex hefe di Exxonmobil anto el a haya su mes den algun situacion fastioso desde cu el a wordo nombra aña pasa. Trump a nombra Gina Haspel pa bira CIA su prome director femenino. Trump ta bisa cu retiro di Tillerson ta bin a base di ‘diferencianan di opinon cu a yega te bira personal.’
Por ehempel riba e trato di Iran, Trump no a bay di acuerdo pero Tillerson si. “Ami kier a kibra e trato aki of haci algo totalmente diferente pero e no a sinti cu ta asina e ta, pues nos no tabata pensando mescos”, Trump ta bisa.
Fuente: BBC
