Administracion di presidente Mericano Donald Trump ta preocupa cu cualkier accion di companianan Mericano ofreciendo ayudo financiero na gobierno Venezolano. Esaki despues cu Goldman Sachs Group Inc a haya hopi critica door di cumpra $2.8 biyon na bonds di petrolio cu un descuento hopi abao.
Oposicion politico Venezolano y algun legislador Mericano a condena esaki y yam’e “bonds di hamber” como un manera pa preveni e gobierno di presidente Venezolano Nicolas Maduro pa keda sin placa, cual ta wordo acusa pa falta di cuminda afectando miyones di Venezolano den un crisis cu ta cada dia bira mas pio.
“Nos ta preocupa cu cualkier cos cu ta yuda nan mantene un status quo,” un oficial Mericano ta bisa.
