Presidente di Merca, Donald Trump a comunica cu e construccion di muraya na frontera cu Mexico lo cuminsa na par di luna y cu Mexico ta obliga pa duna bek 100% di placa cu Merca lo usa pa construccion di e obra ey. Trump no a duna detaye di obra aki ainda. Trump a firma diaranson un orden ehecutivo, cu obhetivo di duna lus berde na proyecto di muraya na frontera. Na entrevista cu ABC News, presidente Trump a splica cu su obhetivo ta cuminsa hopi lihe manera por ta posibel. El a referi cu expresion “ora cu ta fisicamente posibel” a splica. Trump a bisa cu planificacion a cuminsa caba “inmediatamente”, pero proceso di construccion por tarda par di luna. E presidente di Merca ta mira e muraya aki como un herment contra trafico ilegal na frontera. “E proyecto ta positivo pa Mexico, nos kier un Mexico hopi stabil y solido”, Trump a bisa.
Presidente Mericano a corda cu e “construccion di muraya lo reembolso pa Mexico”, pero e no a bisa e manera cu e ta logra e reembolso di banda di Mexico, anto el a acepta cu ta un situacion dificil y complica, pero a sigura cu e ta bay obliga na Mexico pa asumi 100% di obra aki. Trump a anuncia tambe cu servicio di inmigracion lo reforsa cerca y leu di frontera, lagando atras “ciudad santuario”, unda autoridad local no ta kier coopera y yuda autoridad federal. Trump ta solicita e fin di e situacion aki, mesun momento cu ta ordena cu gobierno federal no dune mas placa na ciudad, cu no kier cumpli cu e normativo aki.
