(AP)—Presidente Mericano Donald Trump a bisa cu e lo kier mira Jordan, Egipto y otro nacionnan Arabe aumenta e cantidad di refugiado Palestino cu nan ta aceptando for di Gaza, posiblemente sacando suficiente hende di e poblacion pa “saca tur hende” for di e area destrui pa crea un comienso nobo.
Durante e sesion di pegunta-y-contesta diasabra cu reporteronan, Trump a bisa cu el a trece un fin na e prohibicion di su predecesor pa manda bomnan pa Israel. Esey ta relaha un punto di presion diseña pa reduci casualidadnan civil durante e guera di Israel cu Hamas na Gaza, cual awor a para debi na un alto-el-fuego precario.
“Nos a libera nan awe,” Trump a bisa di e bomnan. “Nan tabata wardando riba nan pa basta tempo.” Ora a puntr’e pakico el a kita e prohibicion riba e bomnan ey, Trump a responde, “Pasobra nan a cumpra nan.”
Trump a construi su carera politico siendo pro-Israel. Riba su vision mas amplio pa Gaza, Trump a bisa diasabra cu e tabatin un yamada mas trempan cu Rey Abdullah II di Jordan y lo papia diadomingo presidente Abdel Fattah el-Sissi di Egipto. “Mi kier pa Egipto tuma mas hende, y mi kier pa Jordan tuma mas hende,” Trump a bisa. “Esaki ta inclui aproximadamente un miyon y mita hende, nos djis saca tur hende.”
Trump a bisa cu el a complimenta Jordan pa a acepta refugiadonan Palestino y cu el a conta e rey, “Mi lo kier pa bo tuma mas, pasobra mi ta mirando henter e Franha awor, y e ta un desaster. E ta echt un desaster.”
Un desplasamento drastico asina di hende lo contradeci e identidad Palestino y un conexion profundo cu Gaza. Asina mes, Trump a bisa cu e parti di mundo cu ta consisti di Gaza, a mira “hopi conflicto” durante siglonan. El a bisa cu reestablecemento “por ta temporal of permanente.”
“Algo mester pasa,” Trump a bisa. “Pero e ta literalmente un sitio di destruccion awor. casi tur cos ta destrui, y hende ta muriendo eynan.” El a agrega: “Pues, mi ta prefera di ta envolvi cu algun nacion Arabe, y construi vivienda den un otro sitio, unda nan por biba den paz.”
Prome minister Israeli Benjamin Netanyahu, den un declaracion ayera a gradici Trump pa “mantene bo promesa pa duna Israel e hermentnan cu e mester pa defende su mes.” E no a menciona e sugerencia di Trump riba refugiadonan Palestino.
Pero e minister di Asunto Exterior, Ayman Safadi, a conta reporteronan cu e rechaso di e pais di e propuesta pa transferi Palestinonan tabata “firme y no lo cambia.”
Trump a ofrece perspectivanan no tradicional riba e futuro di Gaza den pasado. El a sugeri despues di ser hura dialuna siman pasa cu Gaza mester “echt reconstrui su mes den un manera diferente.”
E presidente a agrega e tempo ey, “Gaza ta interesante. E ta un sitio increible riba lama. E miho clima, tur cos ta bon. Por haci algun cosnan bunita cune, pero e ta hopi interesante.”
