Prome Minister Justin Trudeau a gana un di dos termino den Canada su eleccion nacional. El a perde mayoria, pero a duna un resultado fuerte inespera a pesar di varios scandal cu bin dilanti pa perhudica su imagen liberal.
Trudeau su partido liberal a gana e mayoria di asiento na parlamento, dunando nan oportunidad pa forma gobierno. Sinembargo cu nan a baha ta nifica cu liberal mester confia den oposicion pa pasa legislacion.
“Trudeau ta prome minister pasobra e resto di e partido a logra keda hunto y prevalece. Sigur cu Trudeau merece credito pa locual a pasa, pero e mester demostra su cualidad cu ainda e no a mustra”, Robert Bothwell a bisa, kende ta profesor di historia di Canada y relacion internacional na Universidad di Toronto.
Resultado tabata un victoria pa Trudeau a pesar di su potret cu a sali luna pasa, caminda ta mustra e cu su cara preto pinta. “Awe cada persona di Canada a rechasa division y negatividad. Nan scoge un agenda progresivo y accion fuerte pa cambio climatico”, Trudeau a bisa.
Trudeau a reafirma liberalismo na 2015 despues di 10 aña di gobierno di partido conservado na Canada, pero e scandal, combina cu expectativa halto, a perhudica su prospecto.
Andrew Scheer, lider di partido conservado, a bisa den su discurso cu e resultado ta mustra cu Trudeau a bira debil despues di su eleccion na 2015, despues cu a pronostica e comienso di otro dinastia di Trudeau. “Conservadornan a pone Justin Trudeau bou aviso. Si e gobierno di Trudeau cay, conservadornan lo ta cla y nos lo gana”, Scheer a bisa.
Trudeau tambe a sufri e scandal di su abogado general, kende a pone presion na un persecucion di un compania na Quebec. Trudeau a bisa cu ta na fabor di trabou, pero e daño a duna nan un ‘boost’ pa e partido conservado.
