WILLEMSTAD – E 300 personanan abordo di e crucero opera y propiedad di Church of Scientology a ser declara liber di e riesgonan di haya of duna sarampi despues di e cuarentena di e barco, esaki ta locual e misa a bisa den un comunicado.
E barco di Freewinds a ser poni den cuarentena na St. Lucia na april despues cu un empleado di e barco a ser diagnostica cu sarampi ora cu el a bay Corsou.
Pasaheronan kende a ser vacuna of cu ya caba a haya sarampi a ser laga liber di e barco na cuminsamento di e luna aki y tur di e restonan tabata programa pa ser vacuna abordo.
“E protocol di siguridad cu atencion medico di Freewinds, cu ta supera e standardnan nautico, a demostra di ta altamente efectivo pa contene e enfermedad den un solo caso”, e misa di Scientology a bisa den un comunicado publica pa Daily News.
“Autoridadnan di salud na Corsou a reconoce Freewinds pa su protocol estricto di aislamento, cu efectivamente a contene e enfermedad di un solo caso y a evita cu esaki a sigui”.
Mas cu 700 persona cu a ser diagnostica cu sarampi na Merca e aña aki, segun e centronan pa control di malesa, esaki ta cifra mas halto den 25 aña .
