E mantencion di barco di asistencia S.M. Pelikaan ta den plena marcha. Desde cuminsamento di december 2019 e barco ta na Hulanda pa su mantencion grandi – su actualisacion di edad medio-. Desde februari Pelikaan ta den dok seco (drydock) di Damen Shipyards Group na Harlingen. Den e drydock a eherce mantencion na e parti pafo y na e parti abou di e barco. Nos por pensa aki riba capanan di verf nobo y mantencion di e timonnan di e barco.
E siman aki e barco ta sali for di drydock di Harlingen y ta keda di tou pa bay Base di Marina na Den Helder, pa e ultimo fase di e mantencion. Esaki tambe ta e fase cu henter e tripulacion ta cuminsa na un programa interno di entrenamento. E periodo di entrenamento ta consisti di e lucha contra diverso calamidad, tal manera candela y colicion, choke di barco, pero tambe lo actualisa e protocolnan di auto yudansa na kamaradanan- (ZHKH).
Pa e motibo ey e shete miembronan di tripulacion cu ainda ta kedando na Corsou ta bula diaranson venidero pa bay Hulanda. Pa e mantencion e tripulacion regular ta parti den dos ekipo. Cada tres siman ekipo uno y ekipo dos ta intercambia pa reparti e mantencion y e periodonan na Hulanda. Sinembargo, pa motibo di e Virus di Corona, y como consecuencia di esaki, e ceramento di e ocasionnan aereo, un parti di e tripulacion ya for di cuminsamento di maart ta na Hulanda.
Un periodo importante di e mantencion ta yegando awor. Na Den Helder por cierto, ademas di e entrenamento tambe ta instala un Gran nobo, cu ta actualisa, na bordo. E plan ta pa Pelikaan actualisa lo ta presente den e region Caribe caminda e ta keda cla desplega. Te e temporada ey S.M. Karel Doorman ta nabega den e region di Caribe y ta tuma e tareanan di transporte entre e islanan na su encargo.
