(AP) — Cuatro astronauta for di cuatro pais a despega den un raket bayendo Stacion Espacial Internacional riba diasabra. Nan lo mester a alcansa e laboratorio den orbita abordo di nan capsula SpaceX ayera, reemplasando astronautanan bibando eynan desde maart.
Un astronauta di NASA a ser uni den e despege prome cu salida di solo for di Centro Espacial Kennedy pa astronautanan di Dinamarca, Hapon y Rusia. Nan a wanta man na momento di alcansa orbita.
E tabata e prome lansamento Mericano unda tur asiento abordo di e nave espacial tabata ocupa pa un pais diferente – te awo, NASA semper a inclui dos of tres di su propio hendenan abordo di e vuelonan taxi di SpaceX. Un coincidencia den timing a conduci na e asignacionnan, segun oficialnan a bisa.
“Nos ta un team uni cu un mision comun,” Jasmin Moghbeli di NASA a bisa for di orbita.
Ken Bowersox, hefe di operacion espacial di e mision pa NASA, a agrega: “Esta un bunita lansamento, y cu cuatro miembronan di tripulacion internacional, echt algo emocionante pa mira.”
Moghbeli, un piloto di marinier sirbiendo como comandante, ta uni den e mision di seis luna pa Andreas Mogensen di Agencia Espacial Europeo; Satoshi Furukawa di Hapon; y Konstantin Borisov di Rusia.
“Pa explora espacio, nos mester hacie hunto,” director general di Agencia Espacial Europeo, Josef Aschbacher a bisa algun minuut prome cu e lansamento. “Espacio ta realmente global, y cooperacion internacional ta clave.”
E caminda di e astronautanan no por tabata mas diferente.
Mayornan di Moghbeli a huy for di Iran durante e revolucion di 1979. Naci na Alemania y cria na Long Island na New York, el a join marinier y a bula helicopter di atake na Afghanistan. E ta un biahero espacial pa prome biaha y tin speransa di mustra muchanan muhe Irani cu nan tambe por tin metanan halto. “Kere den bo mes ta algo hopi poderoso,” el a bisa prome cu e vuelo.
Mogensen a traha riba oil rig cerca di costa di West Africa despues di haya su diploma di ingeniero. El a bisa hende confundi pa su escogencia di trabao cu “den futuro nos lo mester driller den espacio” manera e personahe di Bruce Willis den e pelicula famoso “Armageddon.” E ta convenci cu experiencia den rig a conduci na su seleccion como e prome astronauta di Dinamarca.
Furukawa a pasa un decada como ciruhano prome cu keda selecciona como astronauta pa Hapon. Manera Mogensen, el a bishita e stacion antes caba.
Borisov, un rookie di espacio, a bay den ingenieria despues di studia negoshi. E ta dirigi un scol di freediving na Moscu y ta hues den e deporte, den cual buceadonan no ta usa tanki di oxigeno y ta wanta nan rosea bao awa.
Un di e beneficionan di un tripulacion itnernacional, nan a nota, ta cuminda. Entre e delicianan siendo transporta: Stoba Perso, chuculati Danes y mackerel Hapones.
E booster di prome etapa di SpaceX a bolbe Cape Canaveral algun minuut despues di e lansamento, un treat adicional pa e miles di espectador reuni den scuridad mainta trempan.
E lansamento tabata retrasa pa un dia pa revision adicional di data di valvula y e sistema di life-support di e capsula. Casi a bolbe stop e countdown atrobe diasabra, despues cu un lek minusculo di fuel den e sistema di thruster di capsula. Pero ingenieronan di SpaceX a logra verifica cu e lek no ta presenta un menasa cu apenas dos minuut riba holoshi, segun Benji Reed, director senior pa vuelo espacial humano di e compania.
SpaceX awo a lansa ocho tripulacion pa NASA. Boeing tabata contrata na mesun momento casi un decada atras, pero ainda no a transporta astronauta. Su capsula pa tripulacion ta para te 2024 pa motibo di parachute y otro problema.
