(TrinidadExpress) – Abogadonan cu ta representa Minister di Desaroyo di Hubentud y Servicio Nacional, Foster Cummings, a presenta un caso contra e Oficina di e Abogado General tocante e diseminacion di un nota secreto di e Special Branch cu e ta afirma ta contene un cantidad di acusacionnan no funda contra dje.

E contenido di e nota a wordo descubri pa e Senador di e United National Congress (UNC) Jayanti Lutchmedial-Ramdial durante un reunion politico na mei 2022.

Un team di abogado dirigi pa Ramesh Lawrence Maharaj, SC, a presenta e caso di e cliente electronicamente den nomber di Cummings pa violacion di principionan di ley comun riba base di uso incorecto di informacion priva y violacion di confidencialidad y un violacion di e derecho constitucional di e minister pa privacidad garantisa pa Seccion 4(c) di e Constitucion.

“E nota di Special Branch y e memorandum a contene acusacionnan di comportacion incorecto, antietico y ilegal den relacion cu e demandante, den su capacidad como un oficial di gobierno, un politico y un negoshante.”

“E hecho di y e contenido di e nota di Special Branch y e memorandum a scandalisa e demandante, a causa daño na su reputacion y perdida y a causa cu e y su famia y su constituentenan berguensa, dolor y sufrimento, y a haci publico detayenan aleha di e asuntonan di negoshi y situacion financiero priva di e demandante.”

“A pesar di e hecho cu e acusacionnan y/of afirmacionnan conteni den e nota di Special Branch y e memorandum ainda ta warda un investigacion cu ainda no a keda cla,” e demandante a indica

Dia 8 di juni, Maharaj a tene un rueda di prensa durante cual el a bisa cu Cummings tin intencion di tuma accion contra e Estado pa motibo di e nota cu a wordo filtra pa proteha su reputacion.

Maharaj a bisa cu notanan secreto manteni pa e Special Branch tabata considera no solamente como secreto sino tambe como priva y confidencial, cu ta nifica cu e miembronan di e Special Branch y e Servicio di Polis lo sa cu tal notanan y nan contenido no mester wordo publica. Pero sinembargo, di algun manera, e nota a cay den man di Lutchmedial-Ramdial.

El a indica claramente, sinembargo, cu Cummings no ta tuma accion legal contra Abogado General Reginald Armour, SC, den su capacidad personal, sino contra su oficina. Esaki ta pa motibo cu e Oficina di e Abogado General ta e representante legal di tur entidad estatal, incluyendo e Servicio di Polis di Trinidad y Tobago, di cual e Special Branch ta forma parti.