Crecemento economico di Trinidad & Tobago lo depende parcialmente di exito di BPTT, subsidiario di BP, y Atlantic, cu ta produci LNG, pa haya un soluction pa e caida den produccion d gas natural cu ta anticipa pa 2020/2021, ya cu esaki por afecta entrada di e pais.
Puntra pa prensa encuanto e ‘worst-case scenario’ despues di e resultadonan desapuntante di BPTT den boramento, CEO di Energy Chamber, Dr Thackwray Driver a conta Guardian cu esaki por tin como consecuencia cu ta ‘mothball’ parti di operacion di Atlantic.
Produccion di BPTT ta calcula pa reduci te 300 miyon pia cubico standard pa dia na 2020 y 2021, un caida di 15%, segun e compania a confirma. Esaki a resulta despues cu un pos den Cannonball field a resulta improductivo y otro na Cashima field a resulta di tin menos volumen cu loke a pensa inicialmente.
Como resultado, BPTT a bisa cu ta improbable cu ta haya e produccion di 200-300 miyon pia cubico pa dia cu lo a haya, segun e acuerdo di benta cu BPTT a haci cu distribuidor Atlantic. Pero durante revision di presupuesto pa mita di aña, ministro di finanzas Colm Imbert a bisa cu cu e no ta anticipa tanto impacto riba produccion di gas natural y cu e preocupacionnan ta “alarmista”.
Driver ta bisa cu si para produccion di Atlantic su linea ‘Train 1’ anto economia di Trinidad & Tobago lo mira menos entrada di impuesto, menos divisa y un impacto riba e pais su cifranan di crecemento.
Recientemente Trinidad & Tobago tabata tratando di yega na acuerdo cu Venezuela pa suministro di gas natural Venezolano, pa compensa perdida di produccion local na e pais.
