Tres homber a wordo deteni riba cargonan di terorismo despues cu autoridadnan a haci entrada hudicial riba tres propiedadnan parti oost di London. E detencionnan aki no ta relaciona cu atakenan di siman pasa na London, caminda cu shete persona a wordo asesina rond di e London Bridge, segun declaracion di Metropolitan Police.
Esaki ta entradanan hudicial cu autoridadnan a haci riba indicacion cu lo tin un otro atake den planificacion. E tres hombernan aki a wordo deteni riba sospecho di preparacion y/of instigacion di terorismo bao seccion 41 di e ley Terrorism Act 2000. Autoridadnan lo continua e accionnan aki pa e proximo dianan.
