Autoridad a bisa cu tres persona a wordo fatalmente tira y otro nuebe a resulta herida den un cas na Long Beach, California.
The Los Angeles Times a raporta cu Vocero di Bombero di Long Beach, Jake Heflin, a bisa cu bombero a yega na e cas banda di 10:44pm pa encontra cu un escena ‘yena cu caos’. Segun Hefe di Polis, Robert Luna, shete muhe y dos homber a ser manda hospital, y tres homber a fayece den e atake.
No a informa inmediatamente con estado di condicion di e persona ta. Tampoco no tabata sigur si e persona cu a tira ta den custodia di Polis. Algun testigo ta bisa cu por ta tabatin un fiesta di Halloween na e cas.
Oswaldo Morales, un hende homber di 47 aña di edad, a bisa e Times cu el a tende mas cu 17 tiro. Tambe algun otro residente di e area a bisa cu a tende 20 tiro. Morales a bisa cu minuut despues, Polis y Bombero a yega cu nan auto y henter e residencia a scucha.
“Mi no ta kere tabata un acto di violencia aleatorio”, Luna a bisa. “E ta parce, basa riba locual nos sa na e momento aki – ainda ta hopi trempan – esaki por ta un atake enfoca.”
Polis a bisa cu un homber cu paña scur, cu su cara tapa, a tira for di un caya tras di e cas prome cu a huy den un vehiculo. Autoridadnan ta bisa cu nan no sa e motibo di e atake y ta buscando pa sikiera un sospechoso, por ta mas. Luna a bisa cu no tin evidencia cu e tiramento ta relaciona cu gang.
