EGIPTO – Diaranson na e stacion central di Cairo, un trein cu tabata biniendo na un velocidad halto a dal contra un barera. Esey a casa cu e tanki di gasolin a explota y causa candela, lagando 25 persona morto, segun autoridad.
E oficial cu ta zorg pa e caminda unda e train ta pasa, a duna informacion cu e trein tabata biahando na un velocidad demasiado halto, esey a ocasiona tambe cu ora el a dal e barera, 47 hende tambe a ser herida.
E explosion y candela a yega na e hende cu ta para na plataforma na e stacion Ramses, cu ta keda den e centro di Cairo. Un video ta mustra e momento di impacto y cu a afecta personanan cu tabata canando. Con nan a bay den e candela y huma.Curpa carbonisa riba e plataforma. Un homber na candela a core pa subi un trapi den panico, segun e potret y video.
No tin ningun indicacion cu e incidente tabata un ‘acto terorista’ pero e oficial di trein a bisa cu ta mucho trempan pa analisa esey. El a informa bou condicion anonimo pa motibo cu e no tabata tin autorisacion pa papia cu medionan.
Egipto su fiscal general, Nabil Sadek, a ordena un investigacion intensivo. El a manda un team pa stacion. Ramses su districto ta conoci pa ta esun mas pobla y druk den Egipto su capital. E agencia di train a stop tur e trafico di trein y ordena evacuacion inmediato na e stacion.
E video ta mustra con persona ta core den desesperacion pa busca un manera di sali for di stacion. E momento di panico den persona. E accidente e causa un debate, pidiendo gobierno pa tuma atencion na situacion di e caminda di trein y pa mehora e calidad. Mirando cu e sistema tin un historia di mal mantencion y ekipo. Na 2017, un total di 1793 accident di trein a tuma luga.
Mohammaed Said, cabes di hospital di Cairo Railroad, a bisa cu cantidad di morto por subi. Minister di salud di Egipto, Hala Zayed, a informa cu mucho cu ta herida ta den un condicion critico.
E prome minister di Egypto, Mustafa Madbousli a bisa cu lo investiga ken a ocasiona e accident y lo pone e persona paga pa su acto ‘un castigo pisa’.
