(TMZ) – Travis Scott ta expresando tocante e tragedia cu a tuma luga na Astroworld Festival den aña 2021, cual a laga 10 persona fayeci y centenares herida, bisando cu e anochi “debastador” aki ta uno cu nunca e lo lubida.
E rapper a expresa su pensamentonan tocante e incidente hororoso cu den un entrevista cu GQ bisando cu “e momento ey pa famianan, pa e ciudad, e tabata debastador.” Y semper esaki ta den su mente tambe, agregando cu “semper mi ta pensa riba dje. E fanaticonan aki ta manera mi famia. Mi ta stima mi fanaticonan, bo ta sinti e dolor pa e hendenan aki y nan famianan.”
El a ser puntra tambe si e cancionnan cu el a traha den studio despues di e incidente aki na Houston ta refleha su sentimentonan y pensamentonan despues di e evento tragico, aparentemente e ta considera esaki, bisnado cu su musica semper ta trata cosnan cu ta pasa den su bida. El a agrega cu bolbe back musica despues di Astroworld tabata “manera un terapia”, contando cu e “por a haci uso di e energia y hinca esaki den produccion y zonidonan y caba canticanan.”
Den juli, Travis a lansa su album Utopia cual ta marca e prome album cu e ta lansa despues di su tour Astroworld y in di e cancionnan riba e album titula “My Eyes” ta bay profundamente den su perspectiva di e evento hororoso aki. Scott ta conta cu esaki ta “representa e cosnan cu cual e ta lidia ribau n base diario y e hecho di con por compronde esaki eroneamente y e luchanan di su bida y tur aspecto di bida. Y tambe e peso constante cu tur esaki ta keda pone riba mi.”
