KRALENDIJK –“Na BES actualmente tin e legislacion bieu”, Suliën Zimmerman di Ministerio Publico Boneiro, Sint Eustatius y Saba (BES) ta confirma. “Corte no por impone e medida di TBS, contrai na Aruba y Corsou.
Esaki ta pa motibo cu e munisipionan extraordinario di Hulanda pa falta di posibilidad no por ehecuta un trato di TBS. E Codigo Penal BES for di 2010 conoce determinacion tocante medida hudicial cu ta pone un criminal na disposicion di gobierno pa tratamento psikiatrico (tbs), pero actualmente no tin kestion di un trato (forensiko) manera na Hulanda.”
Manda pa Corsou
Den caso cu un hende ta completamente incapaz moralmente, hues por manda e persona aki Clinica Capriles na Corsou of e departamento di FOBA den prizon di Corsou, Zimmerman ta sigui. Na Boneiro, Sint Eustatius of Saba no tin policlinica forensiko.
Toch psikiatra di FOBA Frans Heijtel, cu ta traha dos biaha pa luna na Boneiro, ta bisa cu e brasamentonan di (ex) detenido cu problematica psikico na Boneiro ta miho cu esunnan di Corsou y Aruba. E ta yama Bonaire Mental House Caribbean como ehempel. E instancia aki entre otro hunto cu Reclassering Hulanda Caribense ta duna cuido forensiko na cliente cu ta detene y cu ta cerca di sali liber. Esaki ta segun e fuente Retkaribense.
‘No ta yuda si copia tratamento TBS di Hulanda, mester model’e pa e comunidad chikito’
Frans Koenraadt tambe ta di acuerdo cu esaki. E ta katedratiko psicologia forensiko entre otro na Universidad di Corsou. “E trato ambulante pa hende cu problema psikiatrico na Boneiro ta un ehempel pa e otro islanan”, Koenraadt ta haya. “Sigur e cambio di e prizon bieu pa e prizon nobo, ta haci un mundo di diferencia.”
Segun Koenraadt e enfoke di Boneiro ta sali faborabel compara cu e situacion na Corsou, Aruba y Sint Maarten. “A inverti den educacion di personal na Boneiro y esey ta masha importante. Mental House Caribbean ta un empresa util cu ta resulta di tin efecto cla na Boneiro. E enfoke di e tratamento clinico riba su mes ta un progreso cla. Pasobra simplemente copia e tratamento di TBS di Hulanda no ta soluciona nada. Mester modela segun e propio ambiente y esey ta sosode na Boneiro.”
“Ta traha riba un cantidad limita di luga clinicamente cera den prizon na Boneiro”, Nancy Eelman di Reclassering Hulanda Caribense ta bisa. “Actualmente nos ta haci uzo specialmente di e oferta di Mental Health Caribbean, cu ta ofrece tratamento ambulante pa hende cu problematica di adikcion, problema psikiatrico of un combinacion di esaki.”
‘Na islanan Bes lo ta trata di no mas cu cinco cliente TBS pa aña’
-Nancy Eelman, Reclassering Hulanda Caribense
Lo islanan BES tin probecho di un posibilidad pa tratamento TBS? “Cada tratamento forensiko adecua sigur ta un complemento riba e oferta existente”, segun Eelman. “Un bentaha grandi di TBS ta cu ta trata di un medida cu por prolonga. Un nota marginal den esaki ta cu pa BES ta trata di cantidadnan masha chikito, probablemente no mas cu cinco persona pa aña.
Poco posibilidad pa pretension of pos cuido
“Tin un prevision pa biba na Boneiro pa hende cu problematica psikiatrico y di adikcion. Banda di esaki nos ta haci uzo di e bibamento bou di guia (forensiko) Boneiro”, Eelman ta bisa. “Pero esaki no ta un forma di tratamento pero mas bien siñamento di habilidadnan practico. Den legislacion civil tambe ainda tin poco posibilidad pa Reclassering inverti den prevencion of mesora despues den terminacion di un medida TBS.”
