In this Thursday, Oct. 31, 2019, photo, a medic administers medicine to a recovering drug user at a de-addiction center in Kapurthala, in the northern Indian state of Punjab. Researchers estimate about 4 million Indians use heroin or other opioids, and a quarter of them live in the Punjab, India's agricultural heartland bordering Pakistan. These pills, the world had been told, were safer than the OxyContins, the Vicodins, the fentanyls that had wreaked so much devastation. But now they are the root of what the United Nations named “the other opioid crisis," an epidemic featured in fewer headlines than the American one, as it rages through the most vulnerable places on the planet. (AP Photo/Channi Anand)

Cientificonan cu a studia e kimica curioso di e opioide tramadol ta uza un cantidad di adhetivo pa describi e: ‘impredecibel’, ‘desordo’, ‘loco’.

Tramadol ta diferente na mayoria di otro opioide den cu e mester pasa a traves di higra pa ser metabolisa den su forma mas potente. Na mes momento, e ta libera otro tipo di droga cu ta actua como antidepresivo, pasobra e ta aumenta nivel di serotonina den cerebro, mehorando humor.

Pero con hopi opioide y con hopi antidepresivo ta libera ta depende ampliamente riba e genetica di e usuario, segun Bertha Madras, profesor di psycobiologia na Harvard Medical School. Un persona por haya un dosis potente di opioide, mientras e otro ta haya casi nada.

Investigacion a demostra cu algun grupo etnico ta predispuesto pa procesa tramadol como un opioide hopi mas potente, aumentando riesgo di adiccion, segun Madras. Den un twist cruel, e gruponan aki ta mas tanto concentra den areanan cu no tin acceso na otro medicamento opioide, pues ta depende riba tramadol pa alivio di dolor: Africa, Medio Oriente, y partinan di Asia. Estudionan ta sugeri cu casi 30% di Nort Africanonan ta metabolisa tramadol na e mayor potencia activo di opioide, el a bisa, compara cu alrededor di 1% di Europeo.

Grunenthal, e compania farmaceutico Aleman cu originalmente a sintetisa tramadol, tambe ta punta riba su kimica straño pa defende su declaracion cu e droga ta menos probabel di ser abusa. Mientras hende ta cuminsa abusa mayoria di opioide, nan ta bay pa dosis mas grandi, despues pa inhala of inyecta mientras nan ta crea tolerancia y no ta sinti e mesun ‘high’ di e mesun dosis. Pero segun un estudio recien, tramadol por naturalmente disuadi e trayectorio aki pasobra mientras dosis ta aumenta, efectonan secundario ta bira mas pronuncia. Y como cu e mester pasa a traves di higra pa efecto completo, usuarionan no ta transiciona pa inhala of inyecta.

Tramadol tuma den dosis halto – particularmente combina cu otro droganan – por causa e depresion respiratorio cu ta conduci na morto pa sobredosis. Reino Uni, por ehempel, a dicidi di regula e droga na 2014, despues cu investigadonan a haya cu manera cu e cantidad di receta pa tramadol a aumenta, asina tambe a aumenta e cantidad di biaha cu e tabata menciona riba certificado di morto. Pero no a causa sobredosis mesun rutinariamente cu opioidenan tradicional. Usuarionan cu ta tuma demasiado regularmente tin un efecto secundario diferente na otro opioide: un sobredosis di serotonina cu ta causa convulsion.

“Tramadol probablemente no ta mesun problematico cu e opioidenan mayor manera oxycodone, fentanyl y heroina”, Madras a bisa. “Pero sigur e por ta den cierto poblacion, y sigur e por ta si ta abusa pa un grupo cada bes mas amplio di e poblacion.”

Ora hende cu a bira dependiente ta purba di stop di bebe tramadol, nan tin sintoma di abstinencia manera esunnan di opioidenan tradicional, incluyendo dolor, sodo, diarea y insomnio, segun OMS. Pero e crash di serotonina ta agrega otro problema: halucinacion, panico, paranoia y confusion.