Mañan 18 di april di 8or di mainta te cu 11or di mainta lo tin cayanan na San Nicolas cu lo no tin acceso pa trafico. Esaki ta pa motibo di un training di calamidad grandi bou guia di Bureau Rampenbestrijding.
Lagoweg – Caya Captain R. Rodger – Theaterstraat – Nuyenstraat – Helfrichtstraat – Caya Principal di San Nicolas lo ta cera.
Tur persona cu tin e app riba na telefon di ALERT FM lo ricibi informacion riba e training. Lo ricibi un mensahe ora e training cuminsa. Durante e 3 ora di e training mes lo ricibi 1 mensahe cada 1 ora con e training ta desaroyando y na final lo ricibi un mensahe caminda cu ta informa cu e training a termina.
Esunnan cu no tin e app riba na telefon ainda nan por download esaki y ora ta yega na e parti cu e ta pidi e code, bo tin cu yena 99888 (pa Aruba).
(potret: Ret Karibense)
