(NLTimes) – Biaheronan rabia a abusa verbalmente, acosa y menasa trahadornan di GVB riba diaranson despues cu e metro y varios ferry bayendo na y for di Amsterdam-Noord a keda cancela. Un combinacion straño di circunstancia a causa inconveniencia na diesmiles di usuarionan di transporte publico, y e molester ta bay continua den proximo simannan, segun De Telegraaf ta reporta.
“Tabata un dia miserable riba cual nos tabatin mal suerte a continua acumulando riba otro,” un vocero pa e compania di transporte publico di Amsterdam a bisa De Telegraaf. “Nos ta odia cu mester causa inconveniencia na e biaheronan. Pero e inconveniencia no ta hustifica cu hende cu no por haci nada pa e situacion y cu ta traha duro pa pueblo di Amsterdam ta wordo trata inhustamente y abusa verbalmente.”
“Pensa riba dal y scop e bus, kibra e portanan di seguridad, insulta, pero tambe cosnan mas serio manera scupi riba chauffeurnan, pusha nan den un skina, menasa nan, tira likido riba e chauffeur y kibra bentana di seguridad pa gara e chauffeurnan,” e vocero di GVB a bisa. “Esey realmente no ta normal! Laga nos ta cla cu nos ta haya e comportamento aki inaceptable.”
E miseria di usuarionan di transporte publico, peaton y ciclistanan cu ta crusa riba ferry a cuminsa diamars atardi. E metro bao di IJ a inunda pa motibo di un tuberia di awa kibra. Awo a repara esaki, y specialistanan a logra pomp e tunnel pa lag’e seco riba diaranson. Pero hopi lodo a keda atras y ta bay tuma su tempo pa hacie limpi y evalua e daño. GVB ta spera pa reanuda operacion di e metro riba diadomingo.
Ademas di esey, problemanan cu ferrynan bayendo for di y pa Amsterdam-Noord a presenta diaranson. E conexion principal di ferry entre centro di e ciudad y Noord a faya, y e lugar unda ta subi tera na Buiksloverweg no por ser usa pa e ferry Tolhuis den proximo dianan. Ademas, problemanan tecnico a pone cu GVB mester a saca cinco di su 14 ferry for di servicio pa fin di diaranson atardi.
“E no ta Murphy’s Law,” vocero di GVB a bisa De Telegraaf. “Sr. Murphy a trece henter su famia cune.”
E ferrynan defectuoso mester a stop di nabega inmediatamente despues cu a informa GVB cu nan tabata contene partinan cu por causa problemanan tecnico y por daña e sistema electrico, e vocero a splica. Den total, ta bay dura varios siman prome cu tur cos ta back na normalidad.
